Miqrasiya: pozuntu və cəzalar
Dövlət Miqrasiya Xidməti 2020-ci ilin iyul ayı üzrə statistik hesabat yayıb. Rəsmi açıqlamada qeyd olunur ki, ay ərzində qanunvericiliyin tələblərinin pozulmasına görə 473 qərar qəbul edilib: “125 qərarda cərimə ödəməklə ölkə ərazisini tərk etmə, 94 qərarda cərimə və ölkədə yaşamanın qanuniləşdirilməsi yer alıb.
7 qərar ölkə hüdudlarından kənara inzibati qaydada çıxarılmanı və cəriməni, 215 qərar Miqrasiya Məcəlləsinin tələblərinin pozulması ilə bağlı məsuliyyət tədbirlərini nəzərdə tutub.
Müvəqqəti və daimi yaşamaq üçün icazə sənədinin itirilməsi ilə əlaqədar 26, əcnəbilərin və vətəndaşlığı olmayan şəxslərin işə cəlb edilməsi qaydasının pozulması ilə bağlı 6 qərar çıxarılıb.
Quruma müvəqqəti olma müddətinin uzadılması, müvəqqəti və daimi yaşamaq üçün icazələrin alınması, vətəndaşlığa qəbul, bərpa, vətəndaşlıqdan çıxma, eləcə də vətəndaşlıq mənsubiyyətinin və qaçqın statusunun müəyyənləşdirilməsi, həmçinin əmək fəaliyyətinin həyata keçirilməsi üçün iş icazəsinin alınması və müddətinin uzadılması ilə bağlı 15692 müraciət daxil olub.
Yeddi ayda olduğu yer üzrə qeydiyyatla bağlı 1925 əcnəbi və vətəndaşlığı olmayan şəxsin müraciəti rəsmiləşib”.
