Cəbhəçiyə 20 sutka
Avqustun 11-də Xətai Rayon Məhkəməsi AXCP fəalı Tural Atakişiyevə (Pünhan) 20 sutkalıq inzibati həbs cəzası kəsib. “Turan”ın məlumatına görə, cəbhəçi polis işçisinin qanuni tələbinə qəsdən tabe olmamaqda təqsirli bilinib.
Novator.az bildirir ki, AXCP-nin daha 16 üzvü inzibati həbsdədir. Onların 15-i iyulun 14-15-i Bakıda keçirilmiş aksiyadan sonra tutulub: Mahir Namazov, Nicat Abdullayev, Süleyman Məhərrəmov, Fərrux Əliyev, Elxan Nuriyev, Elnur Həsənov, Rəşid Turabov, Elnur Yusubov, Sarvan Cumayev, Babək Muradov, Elnur Quliyev, Yaşar Kərimov, Emin Fərhadov və Feyruz Rəhimov 30 sutka, Cavid Əliyev 15 sutka cəza alıb.
İyulun 14-ü axşamdan iyulun 15-nə keçən gecəyədək Bakıda Azərbaycan Ordusuna dəstək aksiyası keçirilib. Bir qrup şəxs Milli Məclisin binasına girəndən sonra polis aksiyanı dağıdıb, toqquşma yaranıb.
Baş Prokurorluqla Daxili İşlər Nazirliyinin birgə məlumatında qeyd olunub ki, 7 polis əməkdaşı müxtəlif dərəcəli bədən xəsarətləri alıb, 2 xidməti avtomobil aşırılaraq yararsız hala salınıb, daha 14 xidməti avtomobilə və toplantının keçirildiyi ərazinin yol infrastrukturuna ciddi ziyan vurulub.
Milli Məclisin birinci mərtəbəsində bir sıra dağıntılar törədildiyi, mülkiyyətə və inventara ziyan dəydiyi də bəyan olunub.
Bununla bağlı cinayət işini Baş Prokurorluğun İstintaq İdarəsi aparır. 14-ü həbs edilən 15 cəbhəçi zərərçəkmiş şəxsə külli miqdarda ziyan vurmaqla özgənin əmlakını qəsdən məhv etmə və ya zədələmədə; ictimai qaydanın pozulmasına səbəb olan hərəkətləri təşkil etmə və ya bu cür hərəkətlərdə fəal iştirak etmədə; hakimiyyət nümayəndəsinə qarşı müqavimət göstərmə və ya zor tətbiq etmədə ittiham olunurlar.
İki cəbhəçiyə həmçinin hakimiyyətin zorla ələ keçirilməsinə yönələn hərəkətlər ittihamı irəli sürülüb.
2020-ci ilin mart-iyul aylarında daha 20 AXCP üzvü müxtəlif inzibati xətalar üzrə (karantin rejimini pozmaq, polis işçisinin qanuni tələbinə qəsdən tabe olmamaq, internet informasiya ehtiyatında yayılması qadağan edilən informasiya yerləşdirmək, xırda xuliqanlıq) həbs cəzası alıb. Novator.az bildirir ki, hazırda onların biri inzibati cəza çəkir: iyulun 13-də tutulan Arif Paşayevə 30 sutka həbs cəzası verilib.
Aksiya ilə bağlı cinayət işi açılıb
Cəbhəçilər tutulub. Əli Kərimlidən etiraz
Cəbhə: buraxılan və tutulanlar var
Aksiya məhbuslarının sayı artdı
Cəbhəçinin oğluna koronavirus işi açılıb
Cinayət işləri, inzibati cəzalar, naməlumlar
Telman Seyfullayevə cinayət işi, 3 aylıq həbs
Telman Seyfullayevin yoldaşı ağır xəstədir
Fuad Qəhrəmanlı da həbs edildi
Məmməd İbrahim və daha iki cəbhəçi tutulub
İnzibati həbsdə neçə cəbhəçi var?
