Əfəndi və başqaları
Novator.az 65-ci “Avroviziya” mahnı müsabiqəsində iştirakını təsdiqləyən ölkələrin siyahısına nəzər salıb.
1956-cı ildən keçirilən “Avroviziya” yarışı ictimai teleradioları cəmləşdirən Avropa Yayım Birliyinin layihəsidir. Bu il Niderlandın Rotterdam şəhərində keçirilməli olan 65-ci yarışma koronavirus pandemiyası üzündən baş tutmadı. Avropa Yayım Birliyi yarışın 2021-ci il mayın 18-dən 22-dək eyni məkanda təşkilinə qərar verib.
Azərbaycanı müsabiqədə 1991-ci il təvəllüdlü Samirə Əfəndi təmsil edəcək. O, 2020-ci il yarışması üçün seçilmişdi.
Daha 18 ölkə “Avroviziya 2021”ə 2020-ci il müsabiqəsi üçün seçilmiş təmsilçilərlə qatılacaq:
Avstraliya – Cessika Alissa Serro
Avstriya – Vinsent Bueno
Belçika – “Huverfonik” qrupu
Bolqarıstan – Viktoriya Georgiyeva
Çexiya – Ben Kristovao
Gürcüstan – Tornike Kipiani
İspaniya – Blas Kanto Moreno
İsrail – Eden Alene
İsveçrə – Con Muharremay
Latviya – Samanta Tina
Malta – Destini Çukunyere
Moldova – Natalya Qordiyenko
Niderland – Janqyu Makroy
Rumıniya – Larisa Roxana
San Marino – Senhit Zadik Zadik
Sloveniya – Ana Sokliç
Ukrayna – “Go A” qrupu
Yunanıstan – Stefaniya Liberakakis.
2021-ci il müsabiqəsinə Almaniya, Danimarka, Estoniya, Finlandiya, Fransa, Xorvatiya, İrlandiya, İsveç, Kipr, Litva və Norveçin qatılacağı da dəqiqləşib.
Azərbaycan “Avroviziya”ya 2008-ci ildən qatılır. 2008-ci ildə Elnur Hüseynov və Samir Cavadzadə 8-ci, 2009-cu ildə Aysel Teymurzadə və Araş 3-cü, 2010-cu ildə Səfurə Əlizadə 5-ci, 2011-ci ildə Nigar Camal və Eldar Qasımov 1-ci, 2012-ci ildə Səbinə Babayeva 4-cü, 2013-cü ildə Fərid Məmmədov 2-ci, 2014-cü ildə Dilarə Kazımova 22-ci, 2015-ci ildə Elnur Hüseynov 12-ci, 2016-cı ildə Səmra Rəhimli 17-ci, 2017-ci ildə Diana Hacıyeva 14-cü, 2019-cu ildə Çingiz Mustafayev 8-ci yeri tutub.
“Avroviziya 2018”dəki təmsilçi Aysel Məmmədova yarımfinalda ələnib.
