Ya “Şerif”, ya da “Fola”
Avqustun 10-u UEFA Çempionlar Liqasının 2020-2021 mövsümünün ikinci mərhələsinin püşkü atılıb. Novator.az-ın məlumatına görə, Azərbaycan təmsilçisi “Qarabağ”ın bəxtinə 25-26 avqustda keçiriləcək həmin mərhələdə “Şerif” (Moldova) – “Fola” (Lüksemburq) cütlüyünün qalibi düşüb.
Çempionlar Liqasında ilkin, birinci, ikinci, üçüncü ələmə mərhələləri tək, dördüncü mərhələ cüt oyunlardan ibarətdir. “Qarabağ”a birinci mərhələdə (18-19 avqust) Şimali Makedoniyadan “Sileks” qismət olub. Oyun Azərbaycanda keçiriləcək. Mərhələ keçəcəyi halda “Qarabağ” ikinci raundu da öz meydanında oynayacaq.
Avqustun 11-də davam edəcək ilkin raundda Şimali İrlandiyadan “Linfild”, Kosovodan “Drita” yarışır.
Azərbaycan təmsilçisinin üçüncü mərhələdə (15-16 sentyabr) Çexiyadan “Slaviya”, Yunanıstandan “Olimpiakos”, dördüncü mərhələdə (22-29 sentyabr) Niderlanddan “Ayaks”, Avstriyadan “Zalsburq”la üz-üzə gəlməsi mümkündür.
