Üçü də evdə…
UEFA Avropa Liqasının 2020-2021 mövsümü avqustun 20-də start götürür. Turnirdə tək oyunlardan ibarət beş (Çempionlar Liqasından köçən komandalar üçün üç) təsnifat raundu var. Azərbaycan təmsilçiləri – Bakının “Neftçi”, “Keşlə” klubları və “Sumqayıt” komandası yarışa ilkin raunddan sonra, birinci mərhələdən (27 avqust) qoşulur.
Novator.az-ın məlumatına görə, avqustun 10-da həmin mərhələnin püşkü atılıb. “Neftçi”yə Şimali Makedoniyadan “Şkupi” komandası, “Sumqayıt”a yenə həmin ölkədən “Şkendiya” komandası, “Keşlə”yə Albaniyadan “Laçi” rəqib olub. Azərbaycan təmsilçilərinin hamısı oyunu evdə keçirəcək.
