Məclis işsizə ödəniş qaydalarında yeniliklərə səs verdi
Parlament 7 avqust iclasında “İşsizlikdən sığorta haqqında” qanunun yenilənməsinə səs verib. Novator.az bildirir ki, sonuncu – üçüncü oxunuşdan keçən dəyişikliyə görə, əmək müqaviləsinin müddətinin bitməsi əsasları ilə işini itirən və rəsmən işsiz kimi qeydiyyata alınmış şəxslər də sığorta ödənişi alacaq. Ödəniş üçün onların müddətli əmək müqaviləsi üzrə azı 3 il fasiləsiz iş stajı olmalıdır. Sığorta ödənişinin minimum əməkhaqqı (250 manat) qədər və 3 ay müddətinə ödənməsi nəzərdə tutulur.
Dövlət orqanının və ya hüquqi şəxsin ləğvi; işçilərin sayının və ya ştat vahidlərinin ixtisarı hallarında işsizlikdən sığorta ödənişi üçün azı 1 il sığorta stajı tələb olunur və ödəniş işçinin itirilmiş orta aylıq əməkhaqqının 50 faizi məbləğində hesablanır.
Qanun yenilikləri 2024-cü il yanvarın 1-dək qüvvədə olacaq.
