55-dən 35-ə
2020-ci ilin yenilənən dövlət büdcəsində bir barrel neftin qiyməti 55 dollardan 35 dollara düşür. Novator.az-ın məlumatına görə, yeniliyi əsaslandıran Maliyyə Nazirliyi bildirir ki, “AzəriLayt” markalı Azərbaycan neftinin bir barrelinin dünya bazarlarında satış qiyməti iyun ayında orta hesabla 38 dollar səviyyəsində qərarlaşıb. Bu, ilin əvvəlinə nisbətən 40,3 faiz, dövlət büdcəsində nəzərdə tutulmuş qiymətdən 24 faiz azdır. Açıqlamaya əsasən, İqtisadiyyat Nazirliyi ilin sonuna verdiyi proqnozda “AzəriLayt”ın bir barrelinin satış qiymətini 35 dollar göstərib.
Energetika Nazirliyinin 7 avqust məlumatına görə, “AzəriLayt”ın bir barreli 46,46 dollara satılır. Bu, yenilənməkdə olan büdcə qiymətindən 11,46 dollar yuxarı qiymətdir.
“AzəriLayt” yanvara 70,04, fevrala 62,15, marta 53,77, aprelə 19,43, maya 22,92, iyuna 38,14, iyula 43,02, avqusta 44,36 dollarla başlayıb.
