Dövlət Neft Fondu 2020-ci ilin yanvar-iyul aylarında Xəzərin Azərbaycan sektorundakı “Azəri-Çıraq-Günəşli” neft-qaz yataqları blokunun işlənməsi layihəsindən 2 milyard 485 milyon dollar gəlir əldə edib.

Novator.az-ın məlumatına görə, avqustun 6-da yayılan rəsmi açıqlamada həmçinin qeyd olunur ki, yeddi ayda “Şahdəniz” yatağı üzrə qaz və kondensat layihəsindən 215,5 milyon dollar götürülüb.

AZƏRTAC-ın 6 avqust xəbərinə əsasən, Azərbaycan nefti “AzəriLayt”ın bir barreli 47,16 dollara satılır.

Azərbaycanın 2020-ci il büdcəsində bir barrel neftin qiyməti 55 dollardan götürülüb. Büdcəyə yenidən baxılması nəticəsində məbləğ 35 dollara düşəcək.

“AzəriLayt” yanvara 70,04, fevrala 62,15, marta 53,77, aprelə 19,43, maya 22,92, iyuna 38,14, iyula 43,02, avqusta 44,36 dollarla başlayıb.