Döyüş elementləri icra olunub
Müdafiə Nazirliyinin 6 avqust məlumatına görə, Azərbaycan-Türkiyə taktiki təlimlərinin növbəti mərhələsi keçirilib, bölmələr zirehli texnika və helikopterlərin istifadəsi ilə müxtəlif döyüş elementlərini, eləcə də digər təlim-döyüş tapşırıqlarını icra ediblər.
Azərbaycanla Türkiyənin Quru Qoşunları və Hərbi Hava Qüvvələrinin iştirakı ilə keçirilən təlimlərə iki ölkənin ordularının şəxsi heyəti, zirehli texnikası, artilleriya qurğuları və minaatanları, həmçinin hərbi aviasiya və hava hücumundan müdafiə vasitələri cəlb olunub.
İyulun 29-dan başlayan təlimlər üçün Bakı, Naxçıvan, Gəncə, Kürdəmir və Yevlaxın poliqonları ayrılıb.
