Bakıda nə qədər işsiz var?
2020-ci il iyulun 1-nə Bakıda 276 min 323 nəfər rəsmi işsiz qeydə alınıb. Novator.az bildirir ki, Bakı Şəhər Statistika İdarəsinin hesabatına görə, işsizlərin 162 min 397 nəfəri qadındır.
Rəsmi açıqlamada 298 nəfərin işsizlikdən sığorta ödənişi aldığı, orta aylıq məbləğin 326,3 manat olduğu vurğulanır.
Sabunçu rayonunda 44 min 597, Binəqədi rayonunda 36 min 263, Suraxanı rayonunda 32 min 390, Səbail və Yasamal rayonlarında ümumilikdə 30 min 217, Xətai rayonunda 27 min 976, Xəzər və Pirallahı rayonlarında ümumilikdə 24 min 449, Nərimanov rayonunda 21 min 881, Nəsimi rayonunda 21 min 10, Nizami rayonunda 19 min 177, Qaradağ rayonunda 18 min 363 nəfər işsiz rəsmiləşib.
