Yarım ildə xidmətlər, pozuntular
Dövlət Miqrasiya Xidmətinin hesabatına görə, 2020-ci ilin ilk yarısında əcnəbilər və vətəndaşlığı olmayan şəxslərin Azərbaycanda olduğu yer üzrə qeydiyyatı üçün 124174 müraciət alınıb, müvəqqəti və daimi yaşamaq icazələrinin alınması (müddətlərinin uzadılması) ilə bağlı 19742 müraciət rəsmiləşib.
Şəxsin Azərbaycan vətəndaşlığına mənsubiyyətinin müəyyənləşdirilməsi ilə bağlı müraciətlərin sayı 8777 göstərilir.
Qeyd olunur ki, miqrasiya sahəsində qanunvericiliyin tələblərinin pozulmasına görə məsuliyyət müəyyənləşdirən 4754 qərar çıxarılıb.
1293 qərarda cərimə tətbiqi və ölkə ərazisini tərk etmək, 946 qərarda ölkədə yaşamanın qanuniləşdirilməsi, 372 qərarda cərimə və ölkədən çıxarılmaq, 1942 qərarda ölkəyə giriş məhdudiyyəti nəzərdə tutulub.
Müvəqqəti və daimi yaşamaq üçün icazə sənədinin itirilməsi ilə bağlı 120, qeydiyyat tələblərinin pozulması ilə bağlı 28, işə cəlb edilmə qaydasının pozulması ilə bağlı 51, sənədlərin rəsmiləşdirilməsi qaydalarının pozulması ilə bağlı 2 qərar qəbul edilib.
