Fəttah Heydərov vəfat edib
Milli Məclisin deputatı, Azərbaycan Ağsaqqallar Şurasının sədri Fəttah Heydərov avqustun 4-nə keçən gecə vəfat edib.
1938-ci ildə doğulan Fəttah Heydərov Azərbaycan Dövlət Universitetinin mexanika-riyaziyyat fakültəsini və Bakı Ali Partiya Məktəbini bitirib.
Naxçıvan Muxtar Respublikasında müxtəlif məsul vəzifələr tutub, o cümlədən əhaliyə məişət xidməti naziri, mədəniyyət naziri olub.
Fəttah Heydərov 1995-ci ildən başlayaraq 6 dəfə Milli Məclisin deputatı seçilib. O, parlamentdə 116 saylı Qəbələ dairəsini təmsil edirdi. Azərbaycan Ağsaqqallar Şurasının sədri postunu 2013-cü ildən tuturdu.
“Şöhrət”, “Şərəf”, “İstiqlal” ordenləri laureatıdır.
Fəttah Heydərovun oğlu Kəmaləddin Heydərov fövqəladə hallar naziridir.
Allah rəhmət eləsin!
