Avqustun 9-u Belarusda prezident seçkisi keçiriləcək. Novator.az-ın məlumatına görə, dövlət başçısı kürsüsünə 5 nəfər iddia edir: indiki prezident Aleksandr Lukaşenko, Sosial Demokrat Partiyasının sədri Sergey Çereçen, politoloq, ictimai fəal Andrey Dmitriyev, parlamentin aşağı palatasının sabiq deputatı, sahibkar Anna Kanopatskaya, pedaqoq, tərcüməçi Svetlana Tixanovskaya.

1954-cü il avqustun 30-da doğulan Aleksandr Lukaşenko Mogilyov Dövlət Pedaqoji Universitetini və Belarus Kənd Təsərrüfatı Akademiyasını bitirib.

1994-cü ildən prezident kürsüsünü tutur. İlk dəfə 5 il müddətinə seçilən Aleksandr Lukaşenko 1996-cı il referendumu ilə səlahiyyət müddətini 2001-ci ilədək uzadıb. 2001-ci ildə o, ikinci dəfə prezident kürsüsünə yiyələnib. 2004-cü il referendumunda bir nəfərin iki dəfədən çox prezident seçilməsinə məhdudiyyət götürülüb və Aleksandr Lukaşenko 2006, 2010 və 2015-ci illərin seçkilərinə də qatılaraq dövlət başçısı postunu əlində saxlayıb.