Xarici borc 8,9 milyard dolları ötür
Maliyyə Nazirliyi bildirir ki, 2020-ci il iyulun 1-nə Azərbaycanın 8 milyard 960,3 milyon ABŞ dolları məbləğində xarici borcu olub. Bu, ümumi daxili məhsulun 22,4 faizinə bərabərdir.
Novator.az-ın məlumatına görə, 1 yanvar 2020-ci ilə Azərbaycanın xarici dövlət borcu 9 milyard 91 milyon dollar göstərilmişdi.
2011-ci ilə 3 milyard 857,3 milyon dollarlıq xarici borc olub.
2012-ci ilə borc 4 milyard 816,7 milyon dollara, 2013-cü ilə 5 milyard 708,4 milyon dollara yüksəlib.
2014-cü ilə borc 4 milyard 753,2 milyon manat, 2015-ci ilə 6 milyard 478,2 milyon dollar, 2016-cı ilə 6 milyard 894,3 milyon dollar, 2017-ci ilə 6 milyard 913,2 milyon dollar məbləğində rəsmiləşib.
1 yanvar 2018-ci ilə xarici dövlət borcunun məbləği 9 milyard 398,3 milyon dollar olub.
1 yanvar 2019-cu ilə xarici dövlət borcunun məbləği 8 milyard 927,1 milyon dollara düşüb.
