Mehmansız…
Dövlət Statistika Komitəsi mehmanxana və mehmanxana tipli müəssisələrin fəaliyyəti haqqında hesabat yayıb. Novator.az bildirir ki, rəsmi açıqlamaya görə, 2020-ci ilin yanvar-iyun aylarında koronavirus pandemiyası üzündən geriləmə qeydə alınıb, gecələmələrin sayı ötən ilin eyni dövrü ilə müqayisədə 55,9 faiz azalıb.
Hesabata əsasən, yarım ildə gecələmələrin 58,8 faizi Bakının, 8,1 faizi Qəbələnin, 8 faizi Qusarın, 4,7 faizi Qubanın, 4,2 faizi Naftalanın, 3,1 faizi Naxçıvan Muxtar Respublikasının, qalan hissəsi digər bölgələrin payına düşüb.
Əcnəbilərin mehmanxanalarda keçirdiyi gecələmələrin sayının əvvəlki ilin yanvar-iyun aylarına nisbətən 64,3 faiz azaldığı qeyd edilir.
Yanvar-iyun aylarında mehmanxanaların gəlirləri əvvəlki ilin eyni dövrü ilə müqayisədə 61,6 faiz azalaraq 72 milyon manat olub.
