Tovuz: düşmən kəşfiyyat uçuşlarına cəhd göstərib
İyulun 29-u axşam Ermənistan Silahlı Qüvvələrinin bölmələri taktiki pilotsuz uçuş aparatı (PUA) vasitəsilə Tovuz rayonu istiqamətindəki mövqelərimiz üzərində kəşfiyyat uçuşları keçirməyə cəhd göstərib.
Müdafiə Nazirliyinin məlumatına görə, Azərbaycanın hava hücumundan müdafiə bölmələri düşmən PUA-sını dərhal aşkarlayaraq məhv edib.
İyul ayının ortalarında Ermənistan-Azərbaycan sərhədinin Tovuz sahəsində ağır döyüşlər gedib. Azərbaycan Ordusunun 12 hərbi qulluqçusu və bir mülki şəxs şəhid olub.
