Kabinetin gənci, gəncləri
2020-ci il iyulun 27-dən təhsil naziri postunu tutan Emin Əmrullayev Azərbaycan hökumətinin ən gənc üzvüdür.
Novator.az bildirir ki, Emin Əmrullayev 1982-ci ildə doğulub. Təhsil Nazirliyində sektor müdiri, şöbə müdiri vəzifələrində çalışıb, Təhsil İnstitutuna rəhbərlik edib.
Hökumətin gənc üzvlərinin ilk üçlüyündə Emin Əmrullayevlə yanaşı əmək və əhalinin sosial müdafiəsi naziri Sahil Babayev, Dövlət Miqrasiya Xidmətinin rəisi Vüsal Hüseynov da yer alırlar. Onlar 1980-ci il təvəllüdlüdür.
Nazirlər Kabinetinin daha 10 üzvünün yaşı 50-dən azdır.
Diasporla İş üzrə Dövlət Komitəsinin sədri Fuad Muradov 1979-cu ildəndir.
Nəqliyyat, rabitə və yüksək texnologiyalar naziri Ramin Quluzadə, kənd təsərrüfatı naziri İnam Kərimov, Dövlət Şəhərsalma və Arxitektura Komitəsinin sədri Anar Quliyev, Xarici Kəşfiyyat Xidmətinin rəisi Orxan Sultanov, mədəniyyət naziri səlahiyyətlərini icra edən Anar Kərimov 1977-ci ildə doğulublar.
İqtisadiyyat naziri Mikayıl Cabbarov 1976-cı ildə anadan olub.
Dövlət Turizm Agentliyinin sədri Fuad Nağıyev 1975-ci ildə dünyaya gəlib.
Xarici işlər naziri Ceyhun Bayramov və Dövlət Gömrük Komitəsinin sədri Səfər Mehdiyev 1973-cü ildə doğulublar.
