Yeni təhsil naziri
İyulun 27-də prezident İlham Əliyev Emin Əmrullayevi təhsil naziri vəzifəsinə təyin edib.
Novator.az bildirir ki, Emin Eldar oğlu Əmrullayev 1982-ci ildə doğulub. Dövlət İdarəçilik Akademiyasında dövlət idarəçiliyi üzrə bakalavr təhsili alıb, ABŞ-ın Kolumbiya Universitetində dövlət idarəçiliyi üzrə magistr proqramını bitirib, Macarıstanın paytaxtı Budapeştdə magistr təhsili alıb, həmçinin bir çox beynəlxalq sertifikat proqramlarında iştirak edib.
2013-2014-cü illərdə Təhsil Nazirliyində keyfiyyətin təminatı sektorunun müdiri, 2014-2020-ci illərdə təhsilin inkişafı proqramları şöbəsinin müdiri vəzifələrində çalışıb. 2020-ci ilin yanvar ayından Təhsil İnstitutunun direktoru vəzifəsini yerinə yetirib.
Ailəlidir, 2 övladı var.
Əvvəlki təhsil naziri Ceyhun Bayramov iyulun 16-da xarici işlər naziri postuna təyinat alıb.
