26 bankın 30,5 milyard manatı var
Bank sektorunun göstəriciləri açıqlanıb. Novator.az-ın məlumatına görə, Mərkəzi Bank bildirir ki, 2020-ci il iyulun 1-nə Azərbaycanın 26 bankının cəmi aktivləri 30 milyard 541 milyon manat, cəmi öhdəlikləri 25 milyard 938,4 milyon manat olub.
Yarım ildə bankların 371,7 milyon manat xalis mənfəət əldə etdiyi vurğulanır.
Hesabata əsasən, 14 milyard 169,8 milyon manatlıq kredit portfelinin 8 milyard 623,7 milyon manatı biznes kreditləri kimi, 3 milyard 684 milyon manatı istehlak kreditləri kimi, 1 milyard 862,1 milyon manatı ipoteka kreditləri kimi rəsmiləşib.
26 bankın ümumilikdə 440 filialının, 117 şöbəsinin, 18400 işçisinin olduğu qeyd edilir.
