İşlə təminat hesabatı
Əmək və Əhalinin Sosial Müdafiəsi Nazirliyi bildirir ki, 2020-cu ilin yanvar-iyun aylarında Dövlət Məşğulluq Agentliyi 54 min 137 nəfər işsiz və işaxtaranı münasib işlə təmin edib.
Hesabata görə, 12 min nəfərin özünüməşğulluq proqramına cəlb olunması işləri aparılıb, 3500 nəfər proqrama cəlb olunub, ödənişli ictimai iş yerlərinin sayı 90 minə çatdırılıb.
16 rayon və şəhərdə keçirilən əmək yarmarkalarında 1150 nəfərin işlə təmin olunduğu vurğulanır.
Novator.az bildirir ki, Dövlət Statistika Komitəsinin rəsmi hesabatına əsasən, 2020-ci il iyulun 1-nə Azərbaycanda iqtisadi fəal əhalinin sayı 5 milyon 220,6 min nəfər olub, onların 4 milyon 883,1 min nəfəri işləyib.
Muzdla işləyənlərin sayı iyunun 1-nə 1 milyon 681,7 min nəfər göstərilir. Həmin tarixə onların orta aylıq nominal əməkhaqqı 728,9 manata çatıb, neft-qaz sektorunda 3693,1 manat, qeyri neft-qaz sektorunda 663,7 manat, dövlət müəssisələrində 625,9 manat, özəl müəssisələrdə 863,7 manat həddində rəsmiləşib.
