Naxçıvanın sosial-iqtisadi göstəriciləri
Naxçıvan Muxtar Respublikasının sosial-iqtisadi göstəriciləri açıqlanıb. Novator.az bildirir ki, yerli Dövlət Statistika Komitəsinin hesabatına görə, 2020-ci ilin ilk yarısında muxtar respublikada 1,3 milyard manatlıq ümumi daxili məhsul istehsal olunub, bu da 2019-cu ilin eyni dövrünə nəzərən müqayisəli qiymətlər üzrə 1,1 faiz çoxdur.
Hər bir nəfərə düşən ümumi daxili məhsulun həcmi 2847,6 manat göstərilir.
2019-cu ilin ilk altı ayına nəzərən sənayedə müqayisəli qiymətlər üzrə 1 faiz, sərmayə qoyuluşunda 1,4 faiz, kənd təsərrüfatında müqayisəli qiymətlər üzrə 3,4 faiz, informasiya və rabitə xidmətlərində 3,1 faiz yüksəlişin qeydə alındığı vurğulanır.
Qeyd olunur ki, nəqliyyat sektorunda yük daşınması ötən ilin ilk yarısına nəzərən 1,4 faiz, pərakəndə əmtəə dövriyyəsi 1,3 faiz, əhaliyə göstərilən ödənişli xidmətlər 2,4 faiz (hər ikisi müqayisəli qiymətlər üzrə) geriləyib.
2019-cu ilin yanvar-iyun ayları ilə müqayisədə xarici ticarət dövriyyəsində 1,6 faiz, ixracda 0,5 faiz, idxalda 8,8 faiz artımın qeydə alındığı bildirilir.
Hesabata əsasən, iyunun 1-nə muxtar respublika iqtisadiyyatında bir işçiyə hesablanmış orta aylıq əməkhaqqı 520 manat olub.
