Novator.az UEFA Çempionlar Liqasının 2020-2021 mövsümünə düşən klubların yenilənmiş siyahısını təqdim edir.
Yarımfinal oyunları və finaldan ibarət ilkin ələməyə (8-11 avqust) Şimali İrlandiyadan “Linfild”, San Marinodan “Tre Fiori” vəsiqə alıb.
Tək oyunlardan ibarət birinci mərhələyə (18-19 avqust) Kiprdən “Omoniya”, Serbiyadan “Srvena Zvezda”, Şotlandiyadan “Seltik”, Belarusdan “Dinamo” (Brest), İsveçdən “Yurqorden”, Norveçdən “Molde”, Qazaxıstandan “Astana”, Polşadan “Legiya”, Azərbaycandan “Qarabağ”, İsraildən “Makkabi” (Tel-Əviv), Bolqarıstandan “Ludoqorets”, Slovakiyadan “Slovan”, Macarıstandan “Ferensvaroş”, Şimali Makedoniyadan “Sileks”, Moldovadan “Şerif”, Albaniyadan “Tirana”, İrlandiyadan “Dandolk”, Finlandiyadan KuPS, İslandiyadan “Reykyavik”, Bosniyadan “Sarayevo”, Litvadan “Suduva”, Latviyadan “Riqa”, Lüksemburqdan “Fola”, Ermənistandan “Ararat-Armenia”, Maltadan “Floriana”, Estoniyadan “Flora”, Gürcüstandan “Dinamo” (Tbilisi), Uelsdən “Konnah Kuey”, Monteneqrodan “Buduçnost”, Farer adalarından “Klaksvik”, Cəbəllütariqdən “Europa” buraxılıb.
“Qarabağ”a bu mərhələdə “Fola”, “Yurqorden”, “Buduçnost”, “Flora”, “Dinamo” (Brest), “Riqa”, “Konnah Kuey”, “Klaksvik”, “Europa”, KuPS, “Reykyavik”, “Tirana”, “Sileks”, “Floriana” komandaları qismət ola bilər.
Tək oyunlardan ibarət ikinci mərhələdən (25-26 avqust) Niderlanddan “Alkmaar”, Avstriyadan “Rapid”, Çexiyadan “Viktoriya”, Yunanıstandan PAOK, Xorvatiyadan “Dinamo”, Danimarkadan “Midtülland” başlayır.
Tək oyunlardan ibarət üçüncü mərhələyə (15-16 sentyabr) Fransadan “Renn”, Portuqaliyadan “Benfika”, Belçikadan “Gent”, Ukraynadan “Dinamo”, Çexiyadan “Slaviya”, Yunanıstandan “Olimpiakos” giriş əldə edib.
Cüt oyunlardan ibarət dördüncü mərhələyə (22-29 sentyabr) Niderlanddan “Ayaks”, Avstriyadan “Zalsburq” ad yazdırıb.
Turnirə qrup mərhələsindən (20 oktyabr-9 dekabr) başlayacaq bu kublar bəllidir: İspaniyadan “Real”, “Barselona”, “Atletiko”, “Sevilya”, İngiltərədən “Liverpul”, “Mançester Siti”, İtaliyadan “Yuventus”, “İnter”, “Atalanta”, Almaniyadan “Bavariya”, “Borussiya” (Dortmund), “Leypsiq”, “Borussiya” (Mönhenqladbah), Fransadan PSJ, “Marsel”, Rusiyadan “Zenit”, “Lokomotiv” (Moskva), Portuqaliyadan “Portu”, Belçikadan “Brügge”, Ukraynadan “Şaxtyor”, Türkiyədən “Başakşəhər”.
