Koronavirus pandemiyasından zərər çəkən sahibkarlara maliyyə dəstəyi hesabatı yenilənib. İqtisadiyyat Nazirliyinin məlumatına görə, iyulun 16-na muzdlu işçilərin əməkhaqqının müəyyən hissəsinin ödənməsi üçün 28 min 986 vergiödəyicisi, maliyyə dəstəyi almaq üçün 118 min 187 fərdi (mikro) sahibkar müraciət edib.

Hesabata əsasən, 24 min 669 vergiödəyicisinə 214 min 313 nəfər muzdlu işçinin əməkhaqqı üzrə 97,52 milyon manat vəsaitin köçürülməsi təmin olunub.

106 min 334 fərdi (mikro) sahibkara 63,31 milyon manat vəsait ödəndiyi vurğulanır.