“Neftçi”nin mümkün rəqibləri
2020-2021 mövsümündə Azərbaycanı UEFA Avropa Liqasında Bakının “Neftçi”, “Keşlə” klubları və “Sumqayıt” komandası təmsil edəcək. Onlar yarışa ilkin raunddan sonra – birinci mərhələdən (27 avqust) start verir.
Novator.az-ın məlumatına görə, güclülər səbətində yer alan “Neftçi”nin bir çox potensial rəqibi bəllidir: Polşadan “Pyast”, Estoniyadan “Levadiya”, “Payde”, Maltadan “Hibernians”, “Sayrens”, Slovakiyadan “Dunayska Streda”, “Rujomberok”, “Jilina”, Bosniyadan “Zelezniçar”, “Borats”, Sloveniyadan “Mura”, Macarıstandan “Puşkaş Akademiya”, Gürcüstandan “Saburtalo”, “Dinamo” (Batumi), “Lokomotiv”, Şimali Makedoniyadan “Şkupi”, “Renova”, Moldovadan “Petrokub”, “Sfıntul”, “Dinamo-Avto”, Lüksemburqdan “Petanj”, “Differdanj”, Litvadan “Kauno Jalgiris”, Latviyadan RFS, “Valmeyras”, İrlandiyadan “Bohemians”, “Derri Siti”, Finlandiyadan “İnter”, “İlves”, “Honka”, İslandiyadan “Breydablik”, “Vikinqur”, Uelsdən “Bala Taun”.
Avqustun 20-də start götürəcək Avropa Liqasında hər biri tək oyunlardan ibarət beş (Çempionlar Liqasından köçən komandalar üçün üç) ələmə raundu var.
1937-ci ildə yaradılmış “Neftçi” komandası üst-üstə 27 il SSRİ çempionatının güclülər dəstəsində yarışıb, 1966-cı ildə bürünc medallara sahib olub.
Komanda 1992-ci ildən keçirilən Azərbaycan milli çempionatını 8 dəfə zirvədə başa vurub.
17 dəfə Avropanın klub turnirlərinə vəsiqə alan “Neftçi” 2012-2013 mövsümündə Avropa Liqasının qrup mərhələsində çıxış edib.
