“Real” və bir sual
İspaniya milli futbol çempionatı finişə yön alıb. Novator.az-ın məlumatına görə, iyulun 16-da xal sayını 86-ya çatdıran Madrid “Real”ı ən yaxın izləyicisi “Barselona” (79 xalı var) üçün əlçatmaz olaraq sona bir tur qalmış çempionluğu təmin edib. Bu, paytaxt klubunun 1932-ci ildən bəri 34-cü çempionluğudur.
Avropanın aparıcı milli çempionatlarının üçündə qalib daha əvvəl müəyyənləşib. 2020-2021 mövsümünə ilk nöqtə Fransada qoyulub. Koronavirus pandemiyasına görə yarımçıq dayanan ölkə çempionatında lider PSJ qalib elan edilib. Qərar aprelin 28-də verilib.
Almaniya milli futbol çempionatında qalibin adı iyunun 16-da bilinib: “Bavariya”.
“Liverpul” İngiltərə çempionatında qızıl medalları iyunun 25-də rəsmiləşdirib.
33 turu oynanmış İtaliya çempionatında “Yuventus” 77 xalla ilk sıranı tutur. Onu 71 xalla “İnter” izləyir. “Atalanta” 70, “Latsio” 69 xal götürüb.
