İctimaiyyətsiz iaşə
Koronavirus infeksiyasını cilovlamaq üçün tətbiq olunan məhdudiyyətlərin ictimai iaşə sektoruna necə təsir etdiyi açıqlanıb. Novator.az bildirir ki, Dövlət Statistika Komitəsinin hesabatına görə, iyun ayında Azərbaycanın ictimai iaşə dövriyyəsi 2019-cu ilin iyun ayı ilə müqayisədə 4,3 dəfə azalıb. Yanvar-iyun ayları ilə üzrə isə azalma 45,6 faiz göstərilir.
Başqa bir rəsmi açıqlamaya əsasən, yanvar-iyun aylarında əhaliyə göstərilmiş ödənişli xidmətlərdən əldə olunan gəlir 2019-cu ilin ilk yarısına nəzərən 19,2 faiz düşüb, yarım ildə hər bir ölkə sakini orta hesabla 335,3 manatlıq və ya ötən ilin eyni dövrü ilə müqayisədə nominal ifadədə 78,7 manat az müxtəlif ödənişli xidmətlərdən istifadə edib.
2019-cu ilin dekabrında Çində üzə çıxaraq dünyaya yayılan koronavirus xəstəliyinə Azərbaycanda ilk yoluxma fevralın 28-də qeydə alınıb. Mart ayından məhdudiyyətlərin tətbiqinə başlanıb, o cümlədən ictimai iaşə məkanları bağlanıb.
Hazırda Bakı, Abşeron, Sumqayıt, Siyəzən, Xaçmaz, Yevlax, Bərdə, Mingəçevir, Goranboy, Gəncə, Göygöl, Samux, Şəki, Cəlilabad, Lənkəran, Masallıda ictimai işə qadağası var.
