Məlum, qeyri-məlum
UEFA Çempionlar Liqasının 2020-2021 mövsümündə 26 komanda turnirə qrup mərhələsindən başlayacaq. Novator.az-ın məlumatına görə, oktyabrın 20-dən dekabrın 9-dək çəkəcək həmin raunda İspaniyadan “Real”, “Barselona”, “Atletiko”, “Sevilya”, İngiltərədən “Liverpul”, “Mançester Siti”, İtaliyadan “Yuventus”, Almaniyadan “Bavariya”, “Borussiya” (Dortmund), “Leypsiq”, “Borussiya” (Mönhenqladbah), Fransadan PSJ, “Marsel”, Rusiyadan “Zenit”, Belçikadan “Brügge”, Ukraynadan “Şaxtyor”, Türkiyədən “Başakşəhər” vəsiqə alıb.
Turnirdə beş ələmə mərhələsi var.
İlkin mərhələ (8-11 avqust) tək oyunluq yarımfinal və finaldan ibarətdir. Bu raunda Şimali İrlandiyadan “Linfild”, San Marinodan “Tre Fiori” bilet alıb.
Tək oyunlardan ibarət birinci mərhələyə (18-19 avqust) Kiprdən “Omoniya”, Serbiyadan “Srvena Zvezda”, Şotlandiyadan “Seltik”, Belarusdan “Dinamo” (Brest), İsveçdən “Yurqorden”, Norveçdən “Molde”, Qazaxıstandan “Astana”, Polşadan “Legiya”, Azərbaycandan “Qarabağ”, İsraildən “Makkabi” (Tel-Əviv), Bolqarıstandan “Ludoqorets”, Slovakiyadan “Slovan”, Macarıstandan “Ferensvaroş”, Şimali Makedoniyadan “Sileks”, Moldovadan “Şerif”, İrlandiyadan “Dandolk”, Finlandiyadan KuPS, İslandiyadan “Reykyavik”, Bosniyadan “Sarayevo”, Litvadan “Suduva”, Latviyadan “Riqa”, Lüksemburqdan “Fola”, Ermənistandan “Ararat-Armenia”, Maltadan “Floriana”, Estoniyadan “Flora”, Gürcüstandan “Dinamo” (Tbilisi), Uelsdən “Konnah Kuey”, Monteneqrodan “Buduçnost”, Farer adalarından “Klaksvik”, Cəbəllütariqdən “Europa” buraxılıb.
“Qarabağ”a bu mərhələdə “Yurqorden”, “Buduçnost”, “Flora”, “Dinamo” (Brest), “Riqa”, “Konnah Kuey”, “Europa”, “Klaksvik”, “Reykyavik”, KuPS, “Sileks”, “Floriana” komandaları qismət ola bilər.
Tək oyunlardan ibarət ikinci mərhələdən (25-26 avqust) Niderlanddan “Alkmaar”, Avstriyadan “Rapid”, Çexiyadan “Viktoriya”, Xorvatiyadan “Dinamo”, Danimarkadan “Midtülland” başlayır.
Tək oyunlardan ibarət üçüncü mərhələyə (15-16 sentyabr) Fransadan “Renn”, Belçikadan “Gent”, Çexiyadan “Slaviya”, Yunanıstandan “Olimpiakos” giriş əldə edib.
Cüt oyunlardan ibarət dördüncü mərhələyə (22-29 sentyabr) Niderlanddan “Ayaks”, Avstriyadan “Zalsburq” ad yazdırıb.
Portuqaliyadan “Portu” və “Benfika”nın Çempionlar Liqasında düşməsi dəqiqləşib, ancaq komandaların turnirə hansı mərhələdən qoşulacağı bilinmir.
