Turizmin əziyyəti
Dövlət Statistika Komitəsi turizm hesabatı yayıb. Novator.az bildirir ki, Dövlət Sərhəd Xidmətinə istinad olunan rəsmi məlumatda koronavirus pandemiyası üzündən turizm sektorunda ciddi tənəzzül yarandığı vurğulanır. Hesabata görə, 2020-ci ilin yanvar-iyun aylarında Azərbaycana 152 ölkədən 590,1 min və ya ötən ilin ilk yarısı ilə müqayisədə 2,4 dəfə az əcnəbi gəlib.
Qeyd olunur ki, 2019-cu ilin yanvar-iyun ayları ilə müqayisədə xarici ölkələrə gedən Azərbaycan vətəndaşlarının sayı 2,6 dəfə azalaraq 973,4 min nəfər olub.
