Koronavirus: iyulun 14-nə olan vəziyyət
Nazirlər Kabineti yanında operativ qərargahın 14 iyul məlumatına görə, Azərbaycanda daha 543 nəfər koronavirus infeksiyasına yoluxub, 510 nəfər sağalaraq xəstəxanadan buraxılıb, 6 xəstə vəfat edib.
Rəsmi hesabata görə, ölkədə ümumən 25113 nəfərin koronavirusa yoluxması bilinib: 16150 nəfər müalicə olunaraq sağalıb, 319 nəfər dünyasını dəyişib, 8644 nəfər aktiv xəstədir.
2019-cu ilin dekabrında Çində üzə çıxaraq 215 ölkə, ərazi və məkana yayılan koronavirusa Azərbaycanda ilk yoluxma bu il fevralın 28-də qeydə alınıb. Martda 5, apreldə 19, mayda 39, iyunda 150, iyulda 106 nəfər koronavirusun qurbanı olub.
