2019-un büdcəsinə nöqtə qoyuldu
Prezident İlham Əliyev 2019-cu ilin dövlət büdcəsinin icrası haqqında qanunu imzalayıb.
Novator.az bildirir ki, qanunda büdcənin gəlirləri 24,2 milyard manat göstərilir. Gəlirlərdə ən böyük pay Dövlət Neft Fondundan transfert olub: 11 milyard 364,3 milyon manat.
Xərclər 24,4 milyard manat həcmində qərarlaşıb.
Ümumi dövlət xidmətlərinə 2,9 milyard manat, müdafiəyə 3,1 milyard manat, məhkəmə hakimiyyəti, hüquq mühafizə və prokurorluğa 1,5 milyard manat, təhsilə 2,1 milyard manat, səhiyyəyə 873,6 milyon manat, sosial müdafiə və sosial təminata 2,2 milyard manat, əsas bölmələrə aid edilməyən xidmətlərə 3,1 milyard manat xərclənib.
