Çempionlar Liqasına kimlər çıxıb?
Novator.az UEFA Çempionlar Liqasının 2020-2021 mövsümünə vəsiqə alan komandaların yenilənmiş siyahısına nəzər salıb.
İlkin mərhələ (8-11 avqust) tək oyunluq yarımfinal və finaldan ibarətdir. Bu raunda Şimali İrlandiyadan “Linfild”, San Marinodan “Tre Fiori” bilet alıb.
Tək oyunlardan ibarət birinci mərhələyə (18-19 avqust) Kiprdən “Omoniya”, Serbiyadan “Srvena Zvezda”, Şotlandiyadan “Seltik”, Belarusdan “Dinamo” (Brest), İsveçdən “Yurqorden”, Norveçdən “Molde”, Qazaxıstandan “Astana”, Polşadan “Legiya”, Azərbaycandan “Qarabağ”, İsraildən “Makkabi” (Tel-Əviv), Bolqarıstandan “Ludoqorets”, Slovakiyadan “Slovan”, Macarıstandan “Ferensvaroş”, Şimali Makedoniyadan “Sileks”, Moldovadan “Şerif”, İrlandiyadan “Dandolk”, Finlandiyadan KuPS, İslandiyadan “Reykyavik”, Bosniyadan “Sarayevo”, Litvadan “Suduva”, Latviyadan “Riqa”, Lüksemburqdan “Fola”, Maltadan “Floriana”, Estoniyadan “Flora”, Gürcüstandan “Dinamo” (Tbilisi), Uelsdən “Konnah Kuey”, Monteneqrodan “Buduçnost”, Farer adalarından “Klaksvik”, Cəbəllütariqdən “Europa” buraxılıb.
“Qarabağ”a bu mərhələdə “Yurqorden”, “Buduçnost”, “Flora”, “Dinamo” (Brest), “Riqa”, “Konnah Kuey”, “Europa”, “Klaksvik”, “Reykyavik”, KuPS, “Sileks”, “Floriana” komandaları qismət ola bilər.
Tək oyunlardan ibarət ikinci mərhələdən (25-26 avqust) Niderlanddan “Alkmaar”, Avstriyadan “Rapid”, Çexiyadan “Viktoriya”, Xorvatiyadan “Dinamo”, Danimarkadan “Midtülland” başlayır.
Tək oyunlardan ibarət üçüncü mərhələyə (15-16 sentyabr) Fransadan “Renn”, Belçikadan “Gent”, Çexiyadan “Slaviya”, Yunanıstandan “Olimpiakos” giriş əldə edib.
Cüt oyunlardan ibarət dördüncü mərhələyə (22-29 sentyabr) Niderlanddan “Ayaks”, Avstriyadan “Zalsburq” ad yazdırıb.
İspaniyadan “Real”, “Barselona”, “Atletiko”, İngiltərədən “Liverpul”, İtaliyadan “Yuventus”, Almaniyadan “Bavariya”, “Borussiya” (Dortmund), “Leypsiq”, “Borussiya” (Mönhenqladbah), Fransadan PSJ, “Marsel”, Rusiyadan “Zenit”, Belçikadan “Brügge”, Ukraynadan “Şaxtyor”, Türkiyədən “Başakşəhər” turnirə qrup mərhələsindən (20 oktyabr-9 dekabr) qoşulacaq.
Portuqaliyadan “Portu”nun Çempionlar Liqasında düşməsi dəqiqləşib, ancaq komandanın turnirə hansı mərhələdən qoşulacağı bilinmir.
