Operativ qərargahın 12 iyul məlumatı
Nazirlər Kabineti yanında operativ qərargahın 12 iyul məlumatına görə, Azərbaycanda daha 520 nəfər koronavirus infeksiyasına yoluxub, 486 nəfər sağalaraq xəstəxanadan buraxılıb, 8 xəstə vəfat edib.
Rəsmi hesabata görə, ölkədə ümumən 24041 nəfərin koronavirusa yoluxması bilinib: 15093 nəfər müalicə olunaraq sağalıb, 306 nəfər dünyasını dəyişib, 8642 nəfər aktiv xəstədir.
2019-cu ilin dekabrında Çində üzə çıxaraq dünyanı bürüyən, 568 mindən çox adamın ölümünə gətirən koronavirus xəstəliyinə Azərbaycanda ilk yoluxma bu il fevralın 28-də qeydə alınıb. Martda 5, apreldə 19, mayda 39, iyunda 150, iyulda 93 nəfər koronavirusun qurbanı olub.
