Başçı işdən götürüldü
İyulun 11-də sərəncam imzalayan prezident İlham Əliyev Arif Adil oğlu Qasımovu Bakının Nizami Rayon İcra Hakimiyyətinin başçısı vəzifəsindən azad edib. O, 22 sentyabr 2015-ci ildən rayona başçılıq edirdi.
Novator.az bildirir ki, Arif Qasımov 1965-ci il martın 12-də Şərurun Xanlıqlar kəndində doğulub. Azərbaycan Dövlət İqtisad İnstitutunu iqtisadçı, Naxçıvan Dövlət Universitetini hüquqşünas ixtisasları ilə bitirib.
Naxçıvan Muxtar Respublikasının Dövlət Əmlakı Nazirliyində şöbə rəisi, nazirin köməkçisi, Binəqədi Rayon İcra Hakimiyyəti başçısının Biləcəri qəsəbəsi üzrə nümayəndəsi, Bakının Nizami Rayon İcra Hakimiyyəti başçısının Keşlə qəsəbəsi üzrə nümayəndəsi, Nizami (Bakı) bələdiyyəsinin sədri postlarını tutub.
2011-2015-ci illərdə Siyəzən Rayon İcra Hakimiyyətinin başçısı olub. 1993-cü ildən Yeni Azərbaycan Partiyasının üzvüdür.
