İyulun 10-da UEFA Çempionlar Liqasının 2019-2020 mövsümünün növbəti mərhələlərinin püşkü atılıb. Novator.az bildirir ki, 1/4 final cütlükləri belə müəyyənləşib:
“Mançester Siti” (İngiltərə) – “Real” (İspaniya) cütlüyünün qalibi – “Yuventus” (İtaliya) – “Lion” (Fransa) cütlüyünün qalibi
“Leypsiq” (Almaniya) – “Atletiko” (İspaniya)
“Barselona” (İspaniya) – “Napoli” (İtaliya) cütlüyünün qalibi – “Bavariya” (Almaniya) – “Çelsi” (İngiltərə) cütlüyünün qalibi
“Atalanta” (İtaliya) – PSJ (Fransa).
Koronavirus pandemiyası üzündən mart ayında 1/8 finaldan yarımçıq qalan turnir avqustun 7-də bərpa olunacaq.
Tək oyunluq 1/4 final, yarımfinal, eləcə də final 12-23 avqust arası Portuqaliyada keçiriləcək.
1955-ci ildə yaradılmış, 1991-ci ilə qədər Çempionlar kuboku adlanmış turniri “Real” 13, “Bavariya” və “Barselona” 5, “Yuventus” 2, “Çelsi” 1 dəfə zirvədə tamamlayıb.
