
Avropa Liqasında yeni mərhələlər
- 10 İyul 2020
- Posted in Xəbər
Koronavirus pandemiyasına görə mart ayında 1/8 finaldan dayanan UEFA Avropa Liqasında 2019-2020 mövsümü avqustun 5-də bərpa olunur. Tək oyunluq 1/4 final, yarımfinal, eləcə də final 10-21 avqust arası Almaniyada keçiriləcək. Novator.az bildirir ki, 10 iyul püşkatmasında 1/4 final cütlükləri belə müəyyənləşib:
“Volfsburq” (Almaniya) – “Saxtyor” (Ukrayna) cütlüyünün qalibi – “Ayntraxt” (Frankfurt, Almaniya) – “Bazel” (İsveçrə) cütlüyünün qalibi
LASK (Avstriya) – “Mançester Yunayted” (İngiltərə) cütlüyünün qalibi – “Başakşəhər” (Türkiyə) – “Kopenhagen” (Danimarka) cütlüyünün qalibi
“İnter” (İtaliya) – “Xetafe” (İspaniya) cütlüyünün qalibi – “Reyncers” (Şotlandiya) – “Bayer” (Almaniya) cütlüyünün qalibi
“Olimpiakos” (Yunanıstan) – “Vulverhempton” (İngiltərə) cütlüyünün qalibi – “Sevilya” (İspaniya) – “Roma” (İtaliya) cütlüyünün qalibi.
1971-ci ildən keçirilən, 2008-cı ilədək UEFA kuboku adlanmış turnirdə “Sevilya” 5, “İnter” 3, “Ayntraxt”, “Bayer”, “Şaxtyor”, “Mançester Yunayted” 1 zəfər əldə edib.