Çempionlar Liqası: yenilənmiş siyahı
Avropa Futbol Assosiasiyaları Birliyinin (UEFA) əsas klub turniri olan Çempionlar Liqasının 2020-2021 mövsümünə düşən komandaların sayı artıb. Novator.az yenilənmiş siyahını təqdim edir.
İlkin mərhələ (8-11 avqust) tək oyunluq yarımfinal və finaldan ibarətdir. Bu raunda Şimali İrlandiyadan “Linfild”, San Marinodan “Tre Fiori” vəsiqə alıb.
Tək oyunlardan ibarət birinci mərhələyə (18-19 avqust) Kiprdən “Omoniya”, Serbiyadan “Srvena Zvezda”, Şotlandiyadan “Seltik”, Belarusdan “Dinamo” (Brest), İsveçdən “Yurqorden”, Norveçdən “Molde”, Qazaxıstandan “Astana”, Azərbaycandan “Qarabağ”, İsraildən “Makkabi” (Tel-Əviv), Bolqarıstandan “Ludoqorets”, Slovakiyadan “Slovan”, Macarıstandan “Ferensvaroş”, Şimali Makedoniyadan “Sileks”, Moldovadan “Şerif”, İrlandiyadan “Dandolk”, Finlandiyadan KuPS, İslandiyadan “Reykyavik”, Bosniyadan “Sarayevo”, Litvadan “Suduva”, Latviyadan “Riqa”, Lüksemburqdan “Fola”, Maltadan “Floriana”, Estoniyadan “Flora”, Gürcüstandan “Dinamo” (Tbilisi), Uelsdən “Konnah Kuey”, Monteneqrodan “Buduçnost”, Farer adalarından “Klaksvik”, Cəbəllütariqdən “Europa” buraxılıb.
“Qarabağ”a bu mərhələdə “Buduçnost”, “Flora”, “Dinamo” (Brest), “Riqa”, “Konnah Kuey”, “Europa”, “Klaksvik”, “Reykyavik”, KuPS, “Sileks”, “Floriana” komandaları qismət ola bilər.
Tək oyunlardan ibarət ikinci mərhələdən (25-26 avqust) Niderlanddan “Alkmaar”, Avstriyadan “Rapid”, Çexiyadan “Viktoriya”, Xorvatiyadan “Dinamo” başlayır.
Tək oyunlardan ibarət üçüncü mərhələyə (15-16 sentyabr) Fransadan “Renn”, Belçikadan “Gent”, Çexiyadan “Slaviya”, Yunanıstandan “Olimpiakos” vəsiqə əldə edib.
Cüt oyunlardan ibarət dördüncü mərhələyə (22-29 sentyabr) Niderlanddan “Ayaks”, Avstriyadan “Zalsburq” adını yazdırıb.
İspaniyadan “Real”, “Barselona”, İngiltərədən “Liverpul”, Almaniyadan “Bavariya”, “Borussiya” (Dortmund), “Leypsiq”, “Borussiya” (Mönhenqladbah), Fransadan PSJ, “Marsel”, Rusiyadan “Zenit”, Belçikadan “Brügge”, Ukraynadan “Şaxtyor” turnirə qrup mərhələsindən (20 oktyabr-9 dekabr) qoşulacaq.
