“525-ci qəzet” gündəlik nəşr rejiminə qayıtmaq imkanı əldə edib.

Novator.az bildirir ki, 1992-ci ildə yaradılan “525-ci qəzet” 1999-cu ildən gündəlik – həftədə beş dəfə çıxıb.

2019-cu ilin aprelindən Kütləvi İnformasiya Vasitələrinin İnkişafına Dövlət Dəstəyi Fondu “525-ci qəzet”in maliyyəsini azaldaraq onu günaşırı nəşrlərə aid edib. Həmin vaxtdan qəzet çərşənbə, cümə və şənbə günləri işıq üzü görüb.

2020-ci il iyulun 4-də Kütləvi İnformasiya Vasitələrinin İnkişafına Dövlət Dəstəyi Fondu qəzet redaksiyalarına maliyyə yardımının göstərilməsi üzrə müsabiqənin nəticələrini açıqlayıb. Müsabiqə 16 iyun 2020-ci ildə elan edilmişdi.

Novator.az bildirir ki, üç sahə üzrə qalib elan olunan qəzetlər gündəlik (həftədə beş dəfə) nəşr olunacaq. Onlardan biri “525-ci qəzet”dir.

Digər gündəlik nəşrlər bunlardır:

“Bakı xəbər”

“Səs”

“Şərq”

“Yeni Azərbaycan”

“Yeni Müsavat”.

İki sahə üzrə qalib elan edilən qəzetlərin həftədə üç dəfə çıxmaq imkanı olacaq:

“Azernews”

“Ədalət”

“Hürriyyət”

“Xalq Cəbhəsi”

“Novoye  vremya”.

Bir sahə üzrə qalib elan olunan qəzetlər həftəlik nəşrlərdir:

“Azad Azərbaycan”

“Həftə içi”

“Nedelya”

“Olaylar”

“Paralel”

“Türküstan”

“Unikal”.

Kütləvi İnformasiya Vasitələrinin İnkişafına Dövlət Dəstəyi Fondu 2009-cu il aprelin 3-də yaradılıb. 2009, 2013 və 2017-ci illərdə prezident İlham Əliyev Vüqar Səfərlini qurumun icraçı direktoru təyin edib.

2020-ci il aprelin 4-də prezident Vüqar Səfərlini icraçı direktor vəzifəsindən çıxarıb. Dövlət başçısının digər sərəncamı ilə Əhməd İsmayılov icraçı direktor təyin olunub.