İyulda hava
Ekologiya və Təbii Sərvətlər Nazirliyinin Milli Hidrometeorologiya Xidmətinin rəsmi proqnozuna görə, iyulda Azərbaycanda havanın orta aylıq temperaturu iqlim normasına yaxın, bəzi yerlərdə normadan 1-2 dərəcə yüksək olacaq.
Bölgələr üzrə orta aylıq temperatur proqnozu belədir:
Bakı və Abşeron yarımadası – 27-29 dərəcə, bəzi günlərdə 37-40 dərəcə isti;
Naxçıvan Muxtar Respublikası – 26-29 dərəcə, bəzi günlərdə 38-43 dərəcə isti;
Xankəndi, Şuşa, Xocalı, Xocavənd, Qubadlı, Zəngilan, Laçın, Kəlbəcər, Daşkəsən, Gədəbəy rayonları – 19-23 dərəcə, bəzi günlərdə 30-33 dərəcə isti;
Qazax, Gəncə, Goranboy, Tərtər, Ağdam, Füzuli, Cəbrayıl rayonları – 26-28 dərəcə, bəzi günlərdə 38-40 dərəcə isti;
Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz, Qusar rayonları – 23-26 dərəcə, bəzi günlərdə 35-38 dərəcə isti;
Mingəçevir, Yevlax, Göyçay, Ağdaş, Kürdəmir, İmişli, Ağcabədi, Beyləqan, Sabirabad, Biləsuvar, Saatlı, Şirvan, Hacıqabul, Salyan, Neftçala rayonları – 27-30 dərəcə, bəzi günlərdə 38-43 dərəcə isti;
Masallı, Yardımlı, Lerik, Lənkəran, Astara rayonları – 24-27 dərəcə, bəzi günlərdə 36-38 dərəcə isti.
