Çempionlar Liqası: kim haradan başlayır?
UEFA-nın əsas klub turniri olan Çempionlar Liqasının 2020-2021 mövsümündə beş ələmə raundu var. Novator.az bildirir ki, ilkin mərhələdə (8-11 avqust) tək oyunlardan ibarət yarımfinal və final keçiriləcək. Bu raunda Şimali İrlandiyadan “Linfild”, San Marinodan “Tre Fiori” vəsiqə alıb.
Tək oyunlardan ibarət birinci mərhələyə (18-19 avqust) Kiprdən “Omoniya”, Serbiyadan “Srvena Zvezda”, Şotlandiyadan “Seltik”, Belarusdan “Dinamo” (Brest), İsveçdən “Yurqorden”, Norveçdən “Molde”, Qazaxıstandan “Astana”, Azərbaycandan “Qarabağ”, İsraildən “Makkabi” (Tel-Əviv), Bolqarıstandan “Ludoqorets”, Slovakiyadan “Slovan”, Macarıstandan “Ferensvaroş”, Şimali Makedoniyadan “Sileks”, Moldovadan “Şerif”, İrlandiyadan “Dandolk”, Finlandiyadan KuPS, İslandiyadan “Reykyavik”, Bosniyadan “Sarayevo”, Litvadan “Suduva”, Latviyadan “Riqa”, Lüksemburqdan “Fola”, Maltadan “Floriana”, Estoniyadan “Flora”, Gürcüstandan “Dinamo” (Tbilisi), Uelsdən “Konnah Kuey”, Monteneqrodan “Buduçnost”, Farer adalarından “Klaksvik”, Cəbəllütariqdən “Europa” buraxılıb.
Tək oyunlardan ibarət ikinci mərhələdən (25-26 avqust) Niderlanddan “Alkmaar”, Çexiyadan “Viktoriya”, Xorvatiyadan “Dinamo” başlayır.
Tək oyunlardan ibarət üçüncü mərhələyə (15-16 sentyabr) Fransadan “Renn”, Belçikadan “Gent”, Çexiyadan “Slaviya”, Yunanıstandan “Olimpiakos” bilet əldə edib.
Cüt oyunlardan ibarət dördüncü mərhələyə (22-29 sentyabr) Niderlanddan “Ayaks”, Avstriyadan “Zalsburq” adını yazdırıb.
İspaniyadan “Real”, İngiltərədən “Liverpul”, Almaniyadan “Bavariya”, “Borussiya” (Dortmund), “Leypsiq”, “Borussiya” (Mönhenqladbah), Fransadan PSJ, “Marsel”, Belçikadan “Brügge”, Ukraynadan “Şaxtyor” turnirə qrup mərhələsindən (20 oktyabr-9 dekabr) qoşulacaq.
