2020-ci il mayın 1-nə Azərbaycan paytaxtında muzdla işləyən şəxslərin orta aylıq əməkhaqqı 1004,1 manata çatıb. Bakı Şəhər Statistika İdarəsinin hesabatına görə, bu, 2019-cu ilin eyni dövrünə nisbətən 22,5 faiz çoxdur.

Novator.az bildirir ki, rəsmi açıqlamada 2020-ci ilin yanvar-may ayları üzrə sənayedə istehsal və xidmətlərin həcmi 12,5 milyard manat göstərilir.

Qeyd olunur ki, beş aydakı inşaat işlərinin 68,1 faizini tikinti, yenidənqurma və genişləndirmə, 6,6 faizini əsaslı təmir, 5,2 faizini cari təmir, 20,1 faizini sair tikinti işləri təşkil edib.

Hesabata əsasən, yanvar-may aylarında ticarət dövriyyəsinin həcmi 2019-cu ilin ilk beş ayı ilə müqayisədə 1,6 faiz, ictimai iaşə dövriyyəsi real ifadədə 37 faiz, əhaliyə göstərilən ödənişli xidmətlərin dəyəri 15,7 faiz azalıb.