![]({"full":{"0":"2019\/07\/Ermenistanin-Konstitusiya-Mehkemesi.jpg","1":750,"2":409,"3":false,"file":"https:\/\/novator.az\/wp-content\/uploads\/2019\/07\/Ermenistanin-Konstitusiya-Mehkemesi.jpg"}})
İyunun 26-da Ermənistan Konstitusiyasına dəyişikliklər qüvvəyə minib.
Novator.az bildirir ki, ana qanuna dəyişiklikləri iyunun 22-də Ermənistan parlamenti qəbul edib. 213-cü maddədəki dəyişiklik Konstitusiya Məhkəməsinin tərkibini yeniləmək məqsədi daşıyıb. Həmin maddəni bu il aprelin 5-i referendumda dəyişdirmək planı vardı. Ancaq koronavirus pandemiyası buna imkan vermədi.
İyunun 3-də parlament referendumun ləğvi və ümumxalq səsverməsinə çıxarılan məsələnin həllinin ali qanunverici orqana ötürülməsini nəzərdə tutan layihəni qəbul edib. İyunun 22-də qəbul edilən ana qanun dəyişikliyi isə 12 ildən artıq Konstitusiya Məhkəməsinin hakimi olmuş 3 şəxsin səlahiyyətinə və 2018-ci ildən quruma başçılıq edən Qrayr Tovmasyanın sədrliyinə xitam verilməsini nəzərdə tutub.
İyunun 23-də prezident Armen Sərkisyan 3 və 22 iyun layihələrini imzalayıb, iyunun 26-da ana qanun dəyişikliyi rəsmiləşib.
Parlamentdə çoxluq əksəriyyəti baş nazir Nikol Paşinyanın Vətəndaş Sazişi Partiyasının üzvü olan “Mənim addımım” blokunun əlindədir. Uzun müddətdir Konstitusiya Məhkəməsi ilə Ermənistan hökuməti arasında ziddiyyətlər yaşanır.
Ermənistanın ana qanununa 2015-ci ildə salınaraq 2018-ci ildə tam qüvvəyə minmiş normaya görə, 9 nəfərdən ibarət Konstitusiya Məhkəməsi hakiminin səlahiyyət müddəti 12 ildən artıq ola bilməz. Ancaq bu norma əvvəllər təyin olunmuş hakimlərə aid edilməyib.