Böyük beşlik: iki sual işarəsi var
Avropanın daha bir aparıcı milli futbol çempionatında qalib müəyyənləşib. Novator.az-ın məlumatına görə, İngiltərə çempionatının 31-ci turunda xal sayını 86-ya yüksəldən “Liverpul” qızıl medalları təmin edib. İyunun 25-də büdrəyən 63 xallı “Mançester Siti” liderə çatmaq şansını itirib.
“Liverpul” 1990-cı ildən bəri ilk dəfə çempion olur. 1892-ci ildə yaradılmış klub ümumilikdə 19 çempionatı zirvədə tamamlayıb.
Böyük beşlikdə 2020-2021 mövsümünə ilk nöqtə Fransada qoyulub. Koronavirus pandemiyasına görə yarımçıq dayanan ölkə çempionatında ən yaxın izləyicisi “Marsel”i 12 xal qabaqlayan lider – PSJ qalib elan edilib. Qərar aprelin 28-də verilib. Bu, 1970-ci ildə yaradılmış komandanın 9-cu çempionluğu kimi rəsmiləşib.
Almaniya milli futbol çempionatında qalibin adı iyunun 16-da bilinib: “Bavariya”. Bu, 1900-cu ildə yaradılmış klubun 30-cu çempionluğu olub.
İspaniya çempionatında 31 turdan sonra “Real” və “Barselona” 68 xalla öndədirlər. “Atletiko” 55, “Sevilya” 53, “Xetafe” 49 xal əldə edib.
27 turu oynanmış İtaliya çempionatında “Yuventus” 66 xalla ilk sıranı tutur. Onu 62 xalla “Latsio” izləyir. “İnter” 58, “Atalanta” 54, “Roma” 48 xal götürüb.
