Prezident İlham Əliyev iyunun 24-də Gəncə şəhərinə səfər edib. AZƏRTAC xəbər verir ki, dövlət başçısı “NB Satınalma və Ticarət” MMC-nin süni mərmər və qranit istehsalı zavodunun açılışında iştirak edib.
İlham Əliyev Mənzil İnşaatı Dövlət Agentliyinin (MİDA) inşa etdiyi yaşayış kompleksinin tikintisi ilə tanış olub.
Sonra prezident modul tipli xəstəxananın açılışına qatılıb, bir qrup tibb işçisi ilə görüşüb.
Həmin gün İlham Əliyevin iştirakı ilə “Şah Abbas” və “Uğurlu Xan” karvansara kompleksi bərpadan sonra istifadəyə verilib.
Prezident Gəncə Dövlət Dram Teatrının yeni binasının tikintisi ilə də tanış olub.
Gəncəçay çayı üzərindəki körpünün bərpadan sonra istifadəyə verildiyi də bildirilir.
Prezident həmçinin Azərbaycan Dövlət Aqrar Universitetinin yeni tədris korpusunun açılışında iştirak edib, Gəncə İdman Sarayının tikintisi ilə tanış olub.
