Seçkini prezident partiyası uddu
Serbiyada iyunun 21-də keçirilmiş növbədənkənar parlament seçkisinin ilkin nəticələri açıqlanıb. Novator.az bildirir ki, prezident Aleksandr Vuçiçin liderlik etdiyi hakim Serb Tərəqqi Partiyası proporsional üsulla seçilən 250 nəfərlik parlamentdə 191 mandata sahib çıxır.
Xarici işlər naziri İvitsa Daçiçin Serb Sosialist Partiyası 32 mandat, Serb Vətənpərvər Alyansı 11 mandat götürür.
Qalan mandatlar milli azlıq təmsilçiləri – macarlar, bosniyalılar, makedoniyalılar və albanlar arasında bölünəcək.
1970-ci il təvəllüdlü Aleksandr Vuçiç 2017-ci ildən prezidentdir. 2014-2017-ci illərdə baş nazir olub.
