Ödəniş kartlarının istifadə müddəti artdı
Mərkəzi Bank əmək pensiyaları, sosial müavinət, təqaüd və kompensasiya ödənişləri, ünvanlı dövlət sosial yardımları üzrə ödəniş kartlarının istifadə müddətinin 30 sentyabr 2020-ci ilədək artırılması təşəbbüsü ilə çıxış edib. Rəsmi məlumata görə, müvəkkil banklara bu istəklə müraciət olunub.
Məqsəd bankların filial və şöbələrində, bankomatların qarşısında vətəndaş sıxlığının idarə olunmasıdır.
Müraciətin təmin olunduğu, ödəniş kartlarının istifadə müddətinin avtomatik uzadıldığı xəbər verilir.
Koronavirus pandemiyası fonunda bank-müştəri təmaslarını azaltmaq üçün mart ayında da ödəniş kartlarının istifadə müddəti artırılıb.
Mərkəzi Bank banklara yeni emissiya edilmiş ödəniş kartlarının kuryer vasitəsilə ünvana çatdırılması xidmətlərinin göstərilməsini də tövsiyə edib.
