Köçəryanla bağlı qərar etiraz doğurub
Ermənistanın Apellyasiya Məhkəməsi iyunun 18-də sabiq prezident Robert Köçəryanın 2 milyard dram (7,1 milyon manata yaxın) girov müqabilində azadlığa buraxılması barədə qərar verib. Novator.az-ın məlumatına görə, vəkillərin vəsatəti əsasında çıxarılan qərar Baş Prokurorluğun narazılığına səbəb olub, Kassasiya Məhkəməsinə şikayət veriləcəyi bəyan edilib.
Sabiq prezidentin səhhətində problemlər var. O, ötən ilin oktyabr ayında paytaxt Yerevandakı “İzmirlyan” Tibb Mərkəzində xoşxassəli şişdən əməliyyat edilib, dekabrda orada reabilitasiya mərhələsindən keçib, bu il martın 7-dən Yerevandakı “Nairi” Tibb Mərkəzində, martın 8-dən aprelin 3-dək “Erebuni” Tibb Mərkəzində müalicə alıb.
Hazırda Robert Köçəryan “İzmirlyan”da yatır. Paytaxtdakı “Kentron” cinayət-icra müəssisəsindən “İzmirlyan”a aprelin 28-də gətirilən sabiq prezident mayın 12-də əməliyyat olunub.
1954-cü il təvəllüdlü Robert Köçəryan Azərbaycana qarşı işğalçı müharibənin rəhbərlərindən biridir. 1992-ci ildən Dağlıq Qarabağdakı separatçı rejimə başçılıq edib, 1997-ci ildən Ermənistanda baş nazir, 1998-ci ildən prezident postlarını tutub.
2008-ci il fevralın 19-da keçirilmiş prezident seçkisində hakimiyyət işğalçı müharibənin qaniçən liderlərindən olan Serj Sərkisyana ötürülüb. Müxaliflər paytaxt Yerevanda seçkinin rəsmi nəticələrinə davamlı etiraz aksiyaları keçiriblər. Martın 1-də aksiyalar hərbi güclə dağıdılıb, 8 mülki şəxs, 2 polis əməkdaşı həlak olub.
2018-ci ildə Serj Sərkisyan hakimiyyəti çökəndən sonra bu iş üzrə istintaq yenilənib. Xüsusi İstintaq Xidməti Robert Köçəryanı 1 mart 2008-ci il qırğınının istintaqına cəlb edib, 2018-ci il iyulun 26-da ona cinayət işi qaldırıb. Sabiq prezident dövlətin konstitusiya quruluşunu zorla dəyişdirmədə ittiham edilir. O, xüsusilə külli miqdarda rüşvət almaqda da günahlandırılır.
2018-ci il iyulun 27-də Robert Köçəryan 2 ay müddətinə həbs edilib, avqustun 13-də azadlığa buraxılıb. Həmin il dekabrın 7-də Robert Köçəryan yenə tutulub, 2019-cu il mayın 18-də pul girovu ilə azadlığa çıxıb. 2019-cu il iyunun 25-də Robert Köçəryan yenidən həbs edilib, sentyabrın 12-də Yerevanın Şenqavit rayonundakı ümumi məhkəmədə mühakimə prosesi başlayıb. Sabiq prezidentlə birgə general-polkovniklər Seyran Ohanyan, Yuri Xaçaturov və baş nazirin keçmiş müavini Armen Gevorkyan mühakimə olunur.
Qarabağlıların dövranı başa çatdı
Şamaxılı erməni general axtarışa verildi
Köçəryan istintaqı məntiqsizlikdə günahlandırdı
Yuri Xaçaturova da iş qaldırıldı
Köçəryanın ölkədən çıxması yasaqlandı
Moskvadan Yerevana növbəti təzyiq
Köçəryanın azadlığa çıxması düyünə düşdü
Köçəryanla bağlı qərar yanvarın 18-də veriləcək
Köçəryanın həbs müddəti uzadılıb
Köçəryan tərəfdarlarına müraciət edib
Köçəryanın cinayət işi böyüyür
Köçəryan və başqaları nədə ittiham olunur?
Köçəryanın həbs müddəti uzadıldı
Köçəryan və başqalarının işi məhkəməyə getdi
Köçəryanın mühakiməsi dayandırılıb
Köçəryan yenə həbs oluna bilər
Məhkəmə Köçəryanla bağlı şikayətə baxacaq
Erməni polkovnik 11 il əvvəlki qətlə görə tutulub
Köçəryanın mühakiməsi niyə dayandı?
Köçəryanla bağlı qərarın vaxtı bəlli olub
Köçəryanın cinayət işində şahid olan general özünü öldürdü
Robert Köçəryan xəstəxanaya yerləşdirilib
Köçəryan: “Ədalət mühakiməsi yoxdur”
Köçəryan “Qarabağ – Ermənistandır” bəyanatını pislədi
Köçəryan həbs yerinə qaytarıldı
Köçəryanın nə xəstəlikləri var?
