Eniş, sabitlik, yüksəliş
İyunun 19-da bir çox valyuta ucuzlaşıb. Novator.az-ın məlumatına görə, avro 1,9065, Çin yuanı 0,2399, Gürcüstan larisi 0,5580, İngiltərə funt sterlinqi 2,1131, Türkiyə lirəsi 0,2479 manata düşüb.
ABŞ dollarının rəsmi kursu 1,7, Rusiya rublu 0,0244 manat səviyyəsində saxlanıb.
Yalnız Belarus rublu (0,7140 manat) və İsrail şekelinin (0,4931 manat) məzənnələrində artım var (Tam siyahı).
Dolların indiki qiyməti 2018-ci il martın 7-dən qüvvədədir.
Avro 2020-ci ilə 1,9025, lari 0,5947, rubl 0,0275, lirə 0,2849 manatla başlayıb.
Novator.az bildirir ki, avro yanvarın 8-dən martın 6-dək, martın 16-da, martın 18-dən iyunun 3-dək 1 manat 90 qəpikdən ucuz satılıb.
Dövlət Neft Fondu Mərkəzi Bankın yanvar-may aylarında keçirdiyi valyuta hərraclarında 3 milyard 637 milyon dollar məbləğində vəsait satıb.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.
