Babək rayonunun inzibati ərazi bölgüsü dəyişdi
Prezident İlham Əliyev Naxçıvan Muxtar Respublikasının Babək rayonunun inzibati ərazi bölgüsünə dəyişiklik qanununu imzalayıb. Qanuna görə, Babək qəsəbəsinə şəhər statusu verilib, Babək qəsəbə inzibati ərazi dairəsi Babək şəhər inzibati ərazi dairəsi hesab edilib.
Başqa yeniliyə əsasən, Cəhri kəndi qəsəbə statusu alıb, Cəhri kənd inzibati ərazi dairəsi Cəhri qəsəbə inzibati ərazi dairəsi sayılıb.
Nehrəm kəndinə isə qəsəbə statusu verilib, Nehrəm kənd inzibati ərazi dairəsi Nehrəm qəsəbə inzibati ərazi dairəsi olub.
