Valyutaların istiqaməti
İyunun 18-də ABŞ dolları (1,7 manat) və Rusiya rublunun (0,0244 manat) rəsmi məzənnələri dəyişməz qalıb.
Mərkəzi Bank avro (1,9134 manat) və Türkiyə lirəsini (0,2482 manat) ucuzlaşdırıb.
Dəyər artıran Gürcüstan larisi isə banklara 0,5582 manata təklif olunur (Tam siyahı).
Dolların indiki qiyməti 2018-ci il martın 7-dən qüvvədədir.
Avro 2020-ci ilə 1,9025, lari 0,5947, rubl 0,0275, lirə 0,2849 manatla başlayıb.
Novator.az bildirir ki, avro yanvarın 8-dən martın 6-dək, martın 16-da, martın 18-dən iyunun 3-dək 1 manat 90 qəpikdən ucuz satılıb.
Avro zonasına Almaniya, Avstriya, Belçika, Estoniya, Finlandiya, Fransa, İrlandiya, İspaniya, İtaliya, Kipr, Latviya, Litva, Lüksemburq, Malta, Niderland, Portuqaliya, Slovakiya, Sloveniya, Yunanıstan və başqa ölkələr daxildir.
Dövlət Neft Fondu Mərkəzi Bankın yanvar-may aylarında keçirdiyi valyuta hərraclarında 3 milyard 637 milyon dollar məbləğində vəsait satıb.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.
