Neft büdcə qiymətindən nə qədər ucuzdur?
Energetika Nazirliyinin 18 iyun məlumatına görə, “AzəriLayt” markalı Azərbaycan neftinin barreli 42,04 dollara satılır. Bu, büdcə qiymətindən 13 dollara yaxın ucuzdur.
Azərbaycanın 2020-ci il büdcəsində bir barrel neftin qiyməti 55 dollardan götürülüb. “AzəriLayt” yanvara 70,04, fevrala 62,15, marta 53,77, aprelə 19,43, maya 22,92, iyuna 38,14 dollarla başlayıb.
Beynəlxalq razılaşmaya görə, 2020-ci ilin may-iyul aylarında Azərbaycan gündəlik neft hasilatı 554 min barrel, iyuldan sonra 587 min barrel, 2021-ci ilin yanvar ayından 620 min barrel olmalıdır.
